關係

封面人物

Jan 28

《年少日記》的鄭有俊，精神頹蘼，在多段關係的牽扯中苟活成長。不懂與學生相處，拒絕面對父親，迴避有關哥哥的記憶。 @siuyea_lo 直言，唯一的光是林雪兒 ——當下對鄭有俊而言最重要、揪心的人。

那抓住這重心後，是不是就能夠指引往後演出，用這個作為角色的「指南針」？小野想了片刻，搖了搖頭。

「佢係一個幾虛嘅指南針，而唔係一個指標去點樣設計角色嘅語氣、表情。不過，有咗呢個重點之後，啲嘢會Flow 出黎」在把這些重要關係的肌理弄清楚後，就會發現「Being」是這樣，成為了「他」。去過「他」的生活，你知道「他」一年三百六十五日大抵是怎樣過。而劇本選擇了其中這幾天，角色會順其自然地活出來。

聽著小野一邊說出這番見解，我也有種被開悟的感覺。
但話鋒一轉，他又靦腆地戴上頭盔「最理想嘅狀態係咁，但接住落黎，係學習點樣貼近呢種狀態......」

除了找出角色最重要關係， @hannachanx 認為演員與演員之間的關係，亦不容忽視。

「戲裡面，我哋嘅關係好Close，講緊十幾歲開始拍拖，呢個係我唔想離開嘅人，我呢一世都想同佢一齊。所以唔單止喺戲入面，戲外我哋都要多啲溝通。」小野對此表示贊同，他與Hanna 私底下很少接觸，一直以來都覺得她是一個神秘少女，而且好有型，起初圍讀時都不敢和她聊天。Hanna 失笑，搖搖頭。「我自己除咗工作之外，好少會去表達情感。有咩都係自己消化，好多時候我都係咁樣，所以好多人會覺得Hanna 比較難接近。可能呢個係我保護自己嘅一種方式。少啲接觸唔同嘅人，就少啲傷害。」

而在《年少日記》正式開拍前，小野與Hanna的互信，卻是由兩程車中間建立起來。

第一程車，前往天水圍，開鏡拜神，Hanna感受到鄭sir

「我哋一齊搭巴士，呢一程車，令到個關係有Close咗，因為佢好似鄭sir。唔一定要係拍緊嘢，但佢都已經喺個角色度，你可以感受到呢個Energy。坐喺佢隔離，就可以感受到林雪兒係點樣嘅情況。」

第二程車，排戲後離開，小野感受到Hanna

「我哋一齊坐咗一程車，傾咗好多閒偈，好多好細嘅嘢。從童年傾起，細個住喺邊，屋企養過咩寵物，大學讀邊科。同埋，幾時開始鐘意演出。呢程車之後，有啲無形嘅信任建立咗，心底裡知道，嚟緊拍《年少日記》嘅時候，會係一個好好嘅合作。」

他們之間的信任，就在這兩程車之間建立，讓他們在現場都能感受到對手也相信這段關係。「當對手都信，好相信我哋係結咗婚，經歷咗婚姻。我哋就望住個關係去做，就唔使諗，鄭sir係點點點，係「我哋」點樣啊」

掌握了角色的狀態、關係，但「埋位」的時候，依然不能夠保證發揮出色，還是會「飲恨」的時候。