填詞，係維持腦袋工作嘅方法

封面人物

Mar 26

Sc1B - 夜 - 茶水間 - 鍾雪瑩

#vol.3

Sc1B - 夜 - 茶水間 - 鍾雪瑩 #vol.3

填詞，係維持腦袋工作嘅方法

窗外，一列火車高速駛過，傳來雷鳴般的響聲。鍾雪瑩凝神沉思，彷彿車聲並不存在一樣，依然專注思考著。

#鍾雪瑩 @chungsaid 今次擔綱演出電影《填詞L》 @lyricistl.movie 的女主角。戲入面，主角羅穎詩視填詞為人生最重要的追求。戲外，鍾說亦是一位妙筆生輝的填詞人，佢又係點睇「填詞」一事？

她稍稍整理思緒，回答：「我覺得填詞係我生活中，維持腦袋工作嘅方法。」鍾說表示，她填詞多以小組形式進行共同創作。首先會先了解歌手心底的想法，究竟有咩想講？她堅持每一份詞，內容都要與歌手相關：
「你冇辦法想像歌手攞住一份同佢冇關嘅歌詞，每年唱三十次校園Show，佢都會覺得難受。」

然後，是了解作曲人創作時的想法，因為每個人必然是帶著一個目的去創作，她要弄清楚這些來龍去脈，之後再用自己的方法表達出來。說罷，茶水間陷入短暫的沈默，片刻後，她再補充一句：「有時候，填詞係冇咁孤僻去維持我生活嘅日用品」這一句說的輕描淡寫，卻有點出乎我意料。

想做，同可以做

雖然只是初相識，但我感覺上，鍾雪瑩是一個開朗健談的人，和孤僻很難扯上關係。我提出心中的疑問，她緩緩道出：「我個人出廠設定係唔緊張、大膽，同埋樂於分享自己。」直到中學時期，她參加了許多歌唱比賽，身邊同學都以此開佢玩笑，那時候，她明白到一個道理——

「你想做一樣嘢，同可以做一樣嘢，有好龐大落差。」

她是否由此變得內向，並沒有給予明確答案，反而那種落差感，到擔任電台DJ的時候再次出現。

鍾雪瑩從小到大，每朝起身第一時間就是扭開收音機「我愛呢個平台，我熱愛呢個媒介。」初入職時，戰戰兢兢，努力做好工作，但慢慢，她發現自己並不是一個稱職的主持：「我鍾意，但我真係做唔到喎，作為觀眾，會想聽我呢個人嘅節目嗎？係唔想，因為我都唔想分享自己俾人聽，我就覺得自己唔係一個稱職嘅主持。」這時候，她選擇調轉：「我個調轉，唔係話驚咗表達自己，或者驚咗大膽，而係我開始有判斷力，我判斷到有邊啲嘢對我黎講係舒服嘅。」

於是，鍾雪瑩開始尋找一個比較適合自己的位置，而電影這個媒介似乎與她最匹配：「我鍾意電影。對我黎講，喺電影裡面做演員呢個位置，可信性比較高，我信賴嘅程度比較高。」

她的信賴，源自於自己是一個影迷。「我每個禮拜放學都要睇戲，逢星期六日，一定要睇三套戲！」大量的觀影經驗，讓她對戲劇的判斷力提高，知道那一類演員能觸動她，而她也能漸漸判斷自己的演出，是否能觸動到影迷：「電影教咗我，點樣能夠影響一個人去鍾意睇戲呢，入面嘅演員到底係做咗啲咩，或者係冇做啲咩呢？」

她想成為電影裡自然的存在，不會讓人覺得突兀，不會讓人覺得唔相信。

鍾雪瑩與羅穎詩

說到演出，就不得不提她的新作《填詞L》。鍾雪瑩傳神地演活了主角羅穎詩，從學生時期到步入社會，十年間的狀態，認真不簡單。鍾雪瑩謙虛地說，只是碰巧拍攝時期，感覺和狀態都很接近角色，才幸運地可以做到。

開拍《填詞L》前，她已經有一段時間沒有參與電影演出，那時候剛重返片場，很享受在現場的感覺，覺得「哇，好玩呀，好耐冇見呀，呢啲人、呢啲嘢。」然後，再過一段時間，她意識到自己適應了拍攝的生活，而這個時候，羅穎詩也長大了。她慶幸自己開始沒有多想：「係好彩，嗰陣冇呢啲嘢諗，如果唔係，我可能會諗仲做唔做到學生呀。」筆者覺得，或許就是天時、地利、人和，造就了她出色的發揮。

【提名】

被問及提名金馬獎與金像獎有何感想？鍾雪瑩誠懇地說：

——幸運

而她第二個感想就是，我終於可以做現場觀眾啦！起初筆者以為鍾雪瑩只是開玩笑，但聊下去，才發現她是真心的。她隨即講起多年來，為了成為各大頒獎典禮的現場觀眾，可謂無所不用其極。報名申請「明星補位」是基本盤，應徵50蚊時薪 Part Time Helper，是暗渡陳倉。現場觀眾的大小細節，她都能侃侃而談，瞭如指掌。

我問她未來有什麼計畫嗎？鍾雪瑩想了想，緩緩說道
「有戲做就得。」

【承上Post | 數字歌詞開估 | 鍾雪篇】