《填詞L》的前世今生

封面人物

Apr 2

Sc1C - 日 - 休息室 - 黃綺琳

#vol.3

Sc1C - 日 - 休息室 - 黃綺琳 #vol.3

日正當中，導演 #黃綺琳（下稱Norris）正在用膳，本不想打擾她用餐，但她卻表示不礙事，可以開始訪問。

Norris沈默的時候氣場很強，有點不怒自威的感覺。筆者心想，也許就是這樣的人，才有魄力自資拍攝。我讚賞Norris有膽量和決心，沒想到Norris慢慢把筷子放下，用紙巾輕輕擦拭嘴角，看著我低聲說：「膽量同決心？⋯⋯」此情此景，讓我想起《無間道》的韓琛。我把思緒收回，只見Norris輕輕一笑，斬釘截鐵告訴我：「呢兩樣嘢，我都冇。」

嗯？有點始料不及！她接著說：「我同監製阿鐦（黃鐦）都冇經歷過『好啦，我哋搏一搏』呢個階段，平時去賭場個決心仲大過今次。」然後她把籌拍《填詞L》的過程娓娓道來，沒有我想像中的熱血，也沒有我想像中的賣慘，《填詞L》更多是監製與導演鬥嘴鬥出來的成品。

拍戲係唔可以停

監製黃鐦常問Norris，下一部想拍乜？他覺得做導演，要Keep住拍戲才能有所精進。回想起阿鐦的話，Norris露出狡黠的笑容：「嗰陣為咗耍走佢，就話俾佢聽，公司書架有一本書，係我自己故仔黎。」而這本書，正是《填詞L》的原著《我很想成為文盲填詞人》。這個不經意的舉動，卻拉開了《填詞L》拍攝的序幕。黃鐦閱畢《我很想成為文盲填詞人》後，覺得十分過癮，他不但把有趣的內容標記起來，更為此寫下註腳。

事情發展到這個地步，Norris 也開始認真思考改編成電影的可能性，因為「唔係淨係自己，呢個故仔有其他人覺得有趣」「之後同佢傾咗陣，不如自己俾錢」我好奇為何不嘗試向外籌集資金，Norris 表示以前有一些Project，與投資方出現意見分歧時，她和阿鐦都會說：「幾百萬，我哋自己俾咗佢都得啦。」「幾百萬又唔係冇。」但下一刻， Norris 有點心虛說：「但其實，我就真係冇嘅。」雖然只是戲言，但不難感受到他們對創作主導權的渴望。

如是者，黃鐦與Norris設定了一個儲錢拍片計畫「前期你唔使一次過用曬㗎嘛，都係慢慢計下要幾錢，拍下，又賺下錢，慢慢完成佢。」雖然拍攝期只有15日，但基於邊拍邊「籌旗」的特殊性，《填詞L》的拍攝期也橫跨了一年。

嘗試新風格

Norris說今次創作有別於前作《金都》，《金都》開拍時已有完整劇本，但《填詞L》到開拍時劇本還未完成。

原因亦很簡單，因為Norris 覺得這是她的故事，後續發展都知道，只差一個結局而已。但到剪接的時候，才發現了一些問題。鑑於拍攝期橫跨一年：「你諗到咩就寫咩，一路讀落去，有少少唔係傳統三幕劇嘅結構。」風格上都走偏了，只能夠透過後期剪接「去揼嘢、去合併嘢、去改啲嘢」，才能完整呈現故事的脈絡。

於是，現在公映版本，可以感受到電影前半段是偏向喜劇風格，而後半段偏向人物傳記。「因為我哋用咗個類型片嘅角度，切入咗去呢個角色，然之後跟呢個角色，去行佢後面比較人物傳記嘅歷程。咁好似有一個新嘅Form出咗黎喎，將兩種Category嘅嘢撈埋咁樣。」

不能見的編劇

說到《填詞L》，除了主角鍾雪瑩演得活靈活現之外，其他角色也異常地「生猛」，一些看似普通的日常對話，也能嗒落有味。我請教Norris，是如何創作出來。她說平時會把聽到的有趣的對話記錄下來，到寫劇本時再加以提煉。由於自己比較喜歡寫對白，也比較留意對白的寫法，會注意角色說話的動機：「角色concern嘅嘢唔同，講嗰句嘢嘅角度又會唔同。」

Norris認為從人物出發的對白，比較容易塑造立體的人物，再加上演員的演繹，會產生不同的效果。另外，她編劇的時候，會時刻提醒自己：「會唔會太著跡，會唔會俾觀眾見到個編劇。」不要為了填補Background information，而忽略了對白應該自然與生活化。

《填詞L》係我一個自我療癒過程

《填詞L》最終能夠面世，妳最大的感想是什麼？

「我呢排嘅人生體驗就係，如果你改編真實事件，你加啲開心嘢俾佢呢，你個人會開心啲嘅，呢個都係一個我替《填詞L》開心咗嘅一個原因。嗰陣時，填詞遭遇係起起落落落落落，到我最後都放棄埋，寫完本書就唔理啦，揼喺公司十年，都冇理。到今次我掘返出黎，再去審視自己，再去檢查，添加一啲開心嘅嘢，諗返轉頭，成件事就好似正面咗好多，都係自我療癒嘅一個過程黎。」